Idman.biz
"Mingəçevir"də sular yenə bulanıb.
İdman.biz Sport24.az-a istinadən xəbər verir ki, rəhbərliklə baş məşqçi Füzuli Məmmədov arasında fikir ayrılığı yaşanır.
Klubun sponsoru olan ASTA şirkəti növbəti mövsüm üçün büdcəni azaltmaq istəyir. Bu isə baş məşqçinin ürəyincə deyil. Füzuli bəy iddialı, Premyer Liqaya vəsiqə uğrunda mübarizə apara biləcək kollektiv formalaşdırmaq niyyətindədir. Bu üzdən rəhbərliyin büdcə ilə bağlı qərarına etiraz edir.
Məmmədov rəsmilərə "mən bura gün keçirməyə, boş yerə maaş almağa gəlməmişəm. Hədəfi və məqsədi olan komandanı çalışdırmaq istəyirəm" söyləyrək, büdcənin azaldılmasına narazılığını bildirib.
Qeyd edək ki, Füzuli Məmmədov qışda "Mingəçevir"in "sükanı arxasına" keçib. Komanda onun rəhbərliyi altında mövsümü 4-cü pillədə başa vurub.
İdman.biz
