Idman.biz
Yoahim Löv futbol üzrə Özbəkistan yığmasının baş məşqçi vəzifəsindən imtina edib.
İdman.biz xəbər verir ki, bu barədə Almaniyanın Bild nəşri məlumat yayıb.
Özbəkistan Futbol Federasiyasının almaniyalı mütəxəssislə danışıqlar aparması xəbərləri var idi. Löv təklifə ciddi yanaşsa da, yekunda müzakirələr uğursuz nəticələnib. DÇ-2026-nın final mərhələsinə vəsiqə qazanan özbəklər turnirdə təcrübəli mütəxəssislə əməkdaşlıq etmək arzusundadırlar.
Qeyd edək ki, 65 yaşlı məşqçi 2006-2021-ci illərdə Almaniya yığmasına rəhbərlik edib. Bundestim Lövün rəhbərliyi 2014-ci ildə keçirilmiş dünya çempionatının qalibi olub.
İdman.biz
