Idman.biz
"Qarabağ" bizdən qat-qat üstün və istəkli idi".
İdman.biz xəbər verir ki, bu sözləri Misli Premyer Liqasının 34-cü turunda "Qarabağ"a 0:2 hesabı ilə məğlub olduqları oyundan sonra "Araz-Naxçıvan"ın baş məşqçisi Elmar Baxşıyev oyundan sonra mətbuat konfransında deyib.
O, oyun barədə çox danışa bilməyəcəyini bildirib: "Çox zəif oynadıq. "Qarabağ" bizdən qat-qat üstün və istəkli idi. İki oyunumuz qalıb. Qarşıdakı günlərdə işimizə daha düzgün yanaşıb, düzgün istiqamət verib, qarşıdakı oyunları düşünməliyik".
Baxşıyev uğursuz çıxışı belə şərh edib: "Səbəbi axtarsaq, dərinə gedəcəyik. Hər şey təsir edə bilər. Bir az rahatçılıq var idi. Onu da gizlətmək mümkün deyil. "Turan"ın dünənki matçının nəticəsi də futbolçulara təsir etmişdi. Bu oyun bir silkələnmə olacaq və müsbət təsir edəcək".
"Şamaxı" ilə növbəti oyunda "Araz-Naxçıvan" üçüncü yeri rəsmiləşdirə bilər. Baş məşqçi bununla bağlı belə deyib: "Hər şey özümüzdən asılıdır. Çalışacağıq ki, komanda olaraq toparlanıb, istəyimizə çataq".
İdman.biz
