Idman.biz
Serbiyalı hücumçu Duşan Vlahoviç "Beşiktaş"la müqavilə imzalayıb.
İdman.Biz bildirir ki, bu barədə Türkiyə klubunun X sosial media platformasındakı hesabı məlumat yayıb.
Daha əvvəl mətbuatda oyunçunun müqaviləsinin 2029-cu ilin yayına qədər davam edəcəyi bildirilirdi. Serbiyalı hücumçunun maaşı bonuslar xaric olmaqla ildə 8 milyon avro olacaq. Vlahoviç həmçinin əhəmiyyətli bir transfer bonusu da alacaq.
10:35
Serbiya millisinin hücumçusu Duşan Vlahoviç karyerasını Türkiyənin "Beşiktaş" futbol komandasında davam etdirəcək.
İdman.Biz xəbər verir ki, 26 yaşlı futbolçunun İstanbul təmsilçisinə keçidi ilə bağlı tərəflər tam razılığa gəlib. Vlahoviç "Beşiktaş"la üçillik müqavilə imzalayacaq.
Futbolçunun illik təxminən 8 milyon avro (15.5 milyon AZN) maaş alacağı bildirilir. Vlahoviçin İstanbulda tibbi müayinədən keçdikdən sonra müqaviləyə imza atması gözlənilir.
Serbiyalı hücumçu "Yuventus"la müqaviləsi 30 iyunda başa çatdıqdan sonra azad agent statusunda idi. O, Turin komandasında 168 oyunda 68 qol vurub.
