Idman.biz
Finalda "Betis"ə 4:1 hesabı ilə qalib gələn "Çelsi" tarixində ilk dəfə UEFA Konfrans Liqasının qalibi olub.
İdman.biz xəbər verir ki, bu qələbəyə görə londonlular 5,860 milyon funt sterlinq məbləğində mükafat alıblar.
Finaldan əvvəl də "Çelsi" liqa mərhələsi və pley-offdakı uğurlu çıxışlarına görə 9,830 milyon funt qazanmışdı. Beləliklə, Konfrans Liqasından əldə edilən ümumi məbləğ 15,690 milyon funt təşkil edib.
Müqayisə üçün qeyd edək ki, digər London klubu "Tottenhem" Avropa Liqasının qalibi olaraq ümumilikdə 21 milyon funt sterlinq məbləğində gəlir əldə edib.
Qeyd edək ki, həm "Çelsi", həm də "Tottenhem" növbəti mövsümdə Çempionlar Liqasının əsas mərhələsində çıxış edəcək və bu da onlara avtomatik olaraq 15,587 milyon funt qazandıracaq.
İdman.biz
