Sport24.az
"Sauthempton"nun müdafiəçisi Yukinari Suqavara 2026-ci ilin yayınadək icarə əsasında "Verder"in formasını geyinəcək. Sport24.az xəbər verir ki, bu barədə Almaniya klubunun mətbuat xidməti məlumat yayıb.
"Bild"in yazdıqlarına əsasən, icarə müddətinin sonunda "Verder" 25 yaşlı yaponun hüquqlarını 6 milyon avroya ala bilər.
Qeyd edək ki, yapon müdafiəçi 2024/25 mövsümündə bütün turnirlərdə 32 matçda 1 qol vurub və 1 məhsuldar ötürmə edib. Onun ingilis klubu ilə müqaviləsi 2028-ci ilin yayında başa çatır.
