Report.az
İspaniyanın "Barselona" klubunun və Niderland millisinin keçmiş futbolçusu Patrik Kluyvert İndoneziya yığmasının baş məşqçisi təyin olunub.
"Report" xəbər verir ki, bu barədə İndoneziya Futbol Federasiyasının mətbuat xidməti məlumat yayıb.
48 yaşlı mütəxəssislə müddəti artırmaq şərti ilə 3 illik müqavilə imzalanıb. O, bu vəzifədə cənubi koreyalı Şin Tae Yonqu əvəzləyib.
Qeyd edək ki, P.Kluyvertin son iş yeri Türkiyənin "Adana Dəmirspor" klubu olub. O, Adana təmsilçisini 2023/2024 mövsümündə çalışdırıb.
