Lent.az
Ekvadorun "Barselona" klubunun müdafiəçisi Mario Pineyda silahlı hücum nəticəsində həlak olub.
Lent.az xarici KİV-ə istinadla bildirir ki, bu barədə Ekvador klubunun mətbuat xidməti məlumat yayıb.
Açıqlamada deyilir: "Klub hücum nəticəsində oyunçumuz Mario Pineydanın ölümünü dərin təəssüf hissi ilə bildirir".
Pineydanın 33 yaşı var idi. Yerli medianın məlumatına görə, hücum nəticəsində həyat yoldaşı da ölüb, anası isə yaralanıb. Əlavə məlumat verilməyib.
Pineyda 2016-cı ildən bəri "Barselona"da oynayır. O, Quayakilya komandası ilə iki Ekvador çempionluğu və bir milli kubok qazanıb. Ümumilikdə, ölkənin ən çox mükafat qazanan klubunda 224 oyun keçirib, üç qol vurub və on məhsuldar ötürmə edib.
Pineyda əvvəllər yerli "İndependiente del Valle" və Braziliyanın "Fluminense" klublarında oynayıb. O, həmçinin Ekvador millisində doqquz oyun keçirib və bir məhsuldar ötürmə edib.
