Sport24.az
"Gözləntilər çoxdur. Bəzi futbolçulardan artım gözləyirəm. Həm yuxarı, həm də aşağı pillələrdə maraqlı və gərgin mübarizə olacaq. Fubolçulardan maksimumlarını ortaya qoymağını istəyəcəyik. Ən önəmlisi də məğlub olmamaqdır. Futbolçularımdan bu inkişafı nəticəyə çevirməyi gözləyirəm". Bu sözləri Sport24.az saytına açıqlamasında "Şamaxı"nın baş məşqçisi Ayxan Abbasov deyib.
Baş məşqçi qış fasiləsində komandaya qoşulan oyunçularla bağlı fikirlərini bildirib: "Cəlal Hüseynovu tanıyırıq. "Şamaxı"da çıxış etmişdi və perspektivli futbolçudur. Ona inanırıq. Murad Vəliyev də gənc oyunçudur və U-21 yığmasının heyətində çıxış edib. Vüsal Məsimov da tanıyıram. Həmin mövqedə rəqabət olmasını istəyirik. Legionerlərdən Andrey-Kostinə vaxt lazımdır. Kanadada çempionat 2 ay əvvəl bitib və hələ ki tam hazır deyil. Mixael Tike Dias Santosa da təxmini 2 həftə vaxt lazmdır. Bundan sonra 2 transfer etmək istəyirik. Bir neçə futbolçu ilə sağollaşmışıq. Onların yerini doldurmaq istəyirik ki, zədə və ya cəza olanda çətinlik çəkməyək".
Qeyd edək ki, fasilə dönəmində "Zirə" ilə yoxlama görüşündə üz-üzə gələn "şirlər" meydanı məğlub tərk edib - 1:3.
