Sport24.az
"Mediada yazılanların hamısı doğru deyil". Sport24.az xəbər verir ki, bunu "Qafqazinfo"ya "Qarabağ"ın İdarə Heyətinin üzvü Asif Əsgərov klubun hücumçusu Olavio Juninyonun məsələsinə aydınlıq gətirərkən deyib:
"Bir neçə gün əvvəl İspaniya mətbuatı yazmışdı ki, Juninyo "Sevilya"ya getmək üçün cibindən "Qarabağ"a 1 milyon avro ödəyəcək. Amma bu, danışıqların heç bir mərhələsində müzakirə mövzusu belə olmayıb. Bizə təklif göndərən klublara gəlincə, onlar əvvəl də var idi, indi də var. Sadəcə belədir ki, danışıqlar uzandıqca hansısa klubun mövqeyi güclənir, digəri zəifləyir. Amma bu o demək deyil ki, bir klubun təklifi digərindən zəifdir. İndi vəziyyət elədir ki, hər an hər şey dəyişə bilər. Yekunlaşmaq o deməkdir ki, məsələdə üçtərəfli müqavilə imzalansın. Hazırki durumda isə konkret nəsə yoxdur. Danışıqların növbəti mərhələsindəyik. Yaxın günlərdə hadisələrin inkişafı barədə daha dəqiq nəsə olacaq".
Qeyd edək ki, İspaniya mətbuatının yazdığına görə, "Sevilya" "Qarabağ"a Juninyo üçün təxminən 4 milyon avro, futbolçunun özünə isə illik 700 min avro maaş təklif edib. "Flamenqo" isə "Qarabağ"a təxmini olaraq 5 milyon avro, futbolçuya isə illik 2 milyon avrodan çox maaş verəcək.
