Report.az
İngiltərə Kubokunun 1/32 finalında "Mançester Yunayted"lə keçirilən oyunda zədələnən "Arsenal"ın futbolçusu Qabriel Jezus uzun müddət yaşıl meydanlardan kənar qala bilər.
"Report" "Sky Sports"a istinadən xəbər verir ki, sözügedən matçın ilk hissəsində zədələnən braziliyalı oyunçu meydanı xərəkdə tərk etmişdi.
"Topçular"ın məşqçilər heyəti 27 yaşlı hücumçunun dizinin ön çarpaz bağının qopmasından narahatdır. Dəqiq diaqnoz müayinədən sonra bəlli olacaq.
Qeyd edək ki, Q.Jezus bu mövsüm "Arsenal"ın heyətində 27 oyun keçirib və 7 qol vurub.
