Sport24.az
"Arsenal" 25 yaşlı sağ cinah müdafiəçisi Mateusinyo üçün Braziliyanın "Korintians" klubuna rəsmi təklif göndərib. Sport24.az "Daily Arsenal" qəzetinə istinadən xəbər verir ki, London klubu müdafiəsini gücləndirməkdə maraqlıdır.
"Arsenal"ın baş məşqçisi Mikel Arteta bu transferi çox istəsə də, "Korintians" əsas oyunçularından birini itirmək istəmir. Bununla belə, əgər Mateusinyo özü keçidə israr edərsə, "Korintians" mövqeyini yenidən nəzərdən keçirmək məcburiyyətində qalacaq.
Qeyd edək ki, müdafiəçi bu mövsüm 13 oyunda meydana çıxıb və bir qol vurub. Mateusinyo ilə "Korintians"ın müqaviləsi 2028-ci ilə qədərdir. "Transfermarkt"ın məlumatına görə, onun bazar dəyəri 6 milyon avrodur.
