Yeni mövsümə hazırlığını Türkiyənin Ərzurum şəhərində davam etdirən "Araz-Naxçıvan" bu gün ilk yoxlama oyununu keçirəcək. Sport24.az xəbər verir ki, Naxçıvan təmsilçisi "Bayburtspor"la qarşılaşacaq.
Görüş Bakı vaxtı ilə saat 15:00-da start götürəcək. Naxçıvan təmsilçisi iyulun 11-də "Alanyaspor"la, 17-də isə "Trabzonspor"la qarşılaşacaq.
Qeyd edək ki, "Araz-Naxçıvan" UEFA Konfrans Liqasının II təsnifat mərhələsində "Aris"lə (Yunanıstan) üz-üzə gələcək. İlk görüş iyulun 24-də Bakıda, cavab matçı isə 31-də Salonikidə baş tutacaq.