Idman.biz
"Hazırda klubsuzam. Düzünü desəm, karyeramı Azərbaycanda başa vurmaq istəyərdim. Ora gəlməyə hazıram. Azərbaycan klublarınının təklifini dəyərləndirə bilərəm".
İdman.biz xəbər verir ki, bu sözləri Sportal.az saytına açıqlamasında İsveç millisinin sabiq üzvü Jiloan Hamad deyib.
Son olaraq Honkonqun "Lee Man" klubunda oynamış "bakılı" Premyer Liqamızda oynamaq gücündə olduğuna inandığın bildirib: "Hazırda yaxşı formadayam və yaxşı klubda 1 mövsüm oynamaq əyləncəli olardı. Mən Azərbaycanda dünyaya gəlmişəm deyə, bu ölkə hər zaman xüsusidir. Azərbaycandan təklif gələrsə, sevə-sevə bunu düşünüb, qərar verərəm. Əlbəttə ki, özümü bu gücdə hesab edirəm".
Qeyd edək ki, Hamad 1990-cı il noyabrın 6-da Bakıda dünyaya gəlib. O, karyerası ərzində "Forvard", "Malmö", "Hoffenhaym", "Standard", "Hammarbü", "İnçeon Yunayted", "Qoritsa", "Örebro", "Əl-Xolod", "Uthai Thani", "Zaxo" klublarında oynayıb. Berti Foqtsun zamanında Azərbaycan millisinə cəlb edilmək ehtimalı olmuş Hamad İsveç və İraq yığmalarında oynayıb.
İdman.biz
