Report.az
AFFA-nın Beynəlxalq oyunlarda təhlükəsizlik üzrə baş mütəxəssisi Elnur İbişov İsveçrənin Nyon və Cenevrə şəhərlərində UEFA-ya üzv ölkələrin təhlükəsizlik xidmətinin əməkdaşları üçün təşkil olunan seminarda iştirak edib.
"Report" xəbər verir ki, iki gün davam edən seminarda Avropa çempionatı, eləcə də avrokubok oyunlarında təhlükəsizlik əməkdaşlarının işlərində nöqsanlar müzakirə olunub.
Həmçinin matçlar zamanı zonalara bölünmə, biletlərin yoxlanış qaydaları və tamaşaçıların stadiona maneəsiz giriş-çıxışlarına nəzarətlə bağlı söhbətlər aparılıb.
