Idman.biz
Bakıda təşkil olunan "Formula-1" üzrə Azərbaycan Qran-prisində sıralama turu başa çatıb.
İdman.biz xəbər verir ki, üç sessiyanın yekununda birinci olan pilot bəlli olub.
Ən yaxşı nəticəyə "Red Bull"dan Maks Ferstappen imza atıb.
17:58
Bakıda keçirilən "Formula-1" üzrə Azərbaycan Qran-prisinin sıralama turunda daha bir qəza baş verib.
İdman.biz xəbər verir ki, "Maklaren"dən Oskar Piastrinin idarə etdiyi bolid də səddə çırpılıb.
Nəticədə qırmızı bayraq qaldırılıb və üçüncü sessiya müvəqqəti dayanıb.
17:46
Bakıda təşkil olunan "Formula-1" üzrə Azərbaycan Qran-prisində sıralama turunun ikinci sessiyası başa çatıb.
İdman.biz xəbər verir ki, hələlik ən yaxşı nəticəni "Red Bull" Maks Ferstappen göstərib.
15-ci pillədəki Oliver Berman ("Haas"), 14-cü Lens Stroll ("Aston Martin"), 13-cü Qabriel Bortoleto ("Kik-Zauber"), 12-ci Lyuis Hemilyon və 11-ci Fernando Alonso ("Aston Martin") üçüncü - sonuncu sessiyada iştirak etməyəcək.
16:38
Bakıda təşkil olunan "Formula-1" üzrə Azərbaycan Qran-prisində sıralama turunun ilk sessiyası başa çatıb.
İdman.biz xəbər verir ki, hələlik ən yaxşı nəticəni "Maklaren"dən Lando Norris göstərib.
16:16
"Formula-1" kateqoriyasında sıralama turunda "Williams" komandasının pilotu Aleksandr Albon döngəyə düzgün girə bilməyib.
İdman.biz xəbər verir ki, nəticədə bolidin sol ön təkəri zədələnib və pilot yarışı yarımçıq saxlayıb.
Qeyd edək ki, hazırda sıralama turu öz axarı ilə davam edir.
16:01
Bakıda təşkil olunan "Formula-1" üzrə Azərbaycan Qran-prisində sıralama turu başlayıb.
İdman.biz xəbər verir ki, yarışa saat 16:00-da start verilib.
Yekunda əsas yarışa birinci sırada başlayan pilot müəyyənləşəcək.
Ötən gün birinci və ikinci sınaq yürüşlərində müvafiq olaraq "Maklaren"dən Lando Norris və "Ferrari"dən Lyuis Hemilton ilk sırada qərarlaşıblar. Bugünkü üçüncü sərbəst yürüşdə də də Norris fərqlənib.
13:34
"Formula-1" kateqoriyasında üçüncü, sonuncu sərbəst yürüş başa çatdı.
İdman.biz xəbər verir ki, ən yaxşı nəticəni "McLaren" komandasının üzvü Lando Norris göstərib.
Onun ardınca "Red Bull" komandasının pilotu Maks Ferstappen və "McLaren" komandasının üzvü Oskar Piastri gəlirlər.
12:31
Bakıda təşkil olunan "Formula-1" üzrə Azərbaycan Qran-prisində üçüncü sərbəst yürüş başlayıb.
İdman.biz xəbər verir ki, mübarizəyə saat 12:30-da start verilib.
Ötən gün birinci və ikinci sınaq yürüşlərində müvafiq olaraq "Maklaren"dən Lando Norris və "Ferrari"dən Lyuis Hemilton ən yaxşı nəticəni göstəriblər.
Saat 16:00-da sıralama turu keçiriləcək.
Qeyd edək ki, əsas yarış sentyabrın 21-də baş tutacaq.
09:00
Bakıda təşkil olunan "Formula-1" üzrə Azərbaycan Qran-prisində ikinci günə bu gün start veriləcək.
İdman.biz xəbər verir ki, ilk olaraq pilotlar üçüncü sərbəst yürüşdə iştirak edəcəklər.
Daha sonra "Formula-2"də sprint yarışı, ardınca "Formula-1"də sıralama turu baş tutacaq.
Azərbaycan Qran-prisində ikinci günün proqramı
20 sentyabr
12:30. "Formula-1": Üçüncü sərbəst yürüş
14:15. "Formula-2": Sprint yarışı
16:00. "Formula-1": Sıralama turu
Qeyd edək ki, Azərbaycan Qran-prisi sentyabrın 21-də başa çatacaq.
İdman.biz
