Idman.biz
"Red Bull" komandasının pilotu Maks Ferstappen 2025-ci il mövsümündə qazandığı poul rekorduna görə "Pirelli" tərəfindən xüsusi mükafata layiq görülüb.
İdman.Biz xəbər verir ki, dördqat "Formula-1" dünya çempionuna ən çox poul əldə edən pilot kimi böyük dekorativ təkər Əbu-Dabi Qran-prisinin təsnifat yarışından sonra təqdim olunub.
"Yas Marina" trasında keçirilən sıralanma turunda da Ferstappen ən yaxşı vaxtı göstərib.
Bu nəticə onun cari mövsümdə səkkizinci poulu olub. Ən yaxın izləyicisi Lando Norris ("Maklaren") 7, britaniyalının komanda yoldaşı Oskar Piastri isə 6 poul qazanıb. Corc Rassell ("Mersedes") və Şarl Lekler ("Ferrari") isə mövsümdə bir dəfə poul sahibi olublar.
Əbu-Dabidə keçirilən təsnifat yarışında Ferstappen dövrəni 1:22.207 vaxt göstəricisi ilə tamamlayıb. Norris ondan 0.201 saniyə geri qalaraq ikinci, Piastri isə üçüncü olub. Corc Rassell də yarışa ikinci cərgədən start verəcək.
Ferstappene təqdim olunan bu xüsusi təkər 2025-ci il mövsümündə onun şənbə günləri keçirilən sıralanma yürüşlərindəki aşkar dominantlığının simvolu kimi qiymətləndirilir.
