Sport24.az
Çinli istehsalçı şirkət Formula 1 və WEC-ə daxil ola bilər. "Bloomberg"in məlumatına görə, Çin şirkəti BYD Formula 1 və Dünya Dözümlülük Çempionatı (WEC) daxil olmaqla müxtəlif avtoidman seriyalarında iştirak etmək üçün variantları araşdırır. Qeyd edək ki, WEC 24 Saatlıq Le Man yarışını da əhatə edir.
İstehsalçının marağı beynəlxalq bazarlarda sürətlə böyümə və avtoidmanda hibrid mühərriklərə keçid ilə əlaqələndirilir.
Nəşrin mənbələrindən birinə görə, Formula 1-də birbaşa iştirak asan deyil. Şirkət hansısa mövcud komandanı almaq və yenisini yaratmaq kimi variantları araşdırır. Halbuki, çempionata daxil olmaq və yarışmaq üçün potensial xərclər hər iki halda ciddi maneə yaradır.
Hələlik yekun qərar verilməyib. BYD-nin bazarı araşdırdıqdan sonra avtoidmana daxil olmaq fikrindən tamamilə imtina etməsi də mümkündür.
