Report.az
Bakıda keçirilən "Formula 1" üzrə Azərbaycan Qran-prisində əsas yarış davam edir.
"Report"un məlumatına görə, "Red Bull" pilotu Maks Ferstappen 40-cı dövrədən sonra da liderdir.
"Mercedes"dən Corc Rassell ikinci, Uilyams"dan Karlos Sayns üçüncü yerdədir.
Qeyd edək ki, Maks Ferstappen 2022-ci ildə də Azərbaycan Qran-prisinin qalibi olub.
16:00
Bakıda keçirilən "Formula 1" üzrə Azərbaycan Qran-prisində əsas yarış davam edir.
"Report"un məlumatına görə, "Red Bull" pilotu Maks Ferstappen 30 dövrədən sonra hələ də liderdir.
"Mercedes"dən Corc Rassell ikinci, Ferstappenin komanda yoldaşı Yuki Tsunoda üçüncü yerdədir.
"Maklaren"dən Lando Norris dördüncü, "Ferrari"dən Lyuis Hemilton beşincidir.
15:42
Bakıda keçirilən "Formula 1" üzrə Azərbaycan Qran-prisində əsas yarış davam edir.
"Report"un məlumatına görə, "Red Bull" pilotu Maks Ferstappen 20 dövrədən sonra liderdir.
"Uilyams"dan Karlos Sayns, "Reysinq Bulls"dan Liam Louson növbəti sıralarda qərarlaşıblar.
"Mercedes"dən Corc Rassell dördüncü, Ferstappenin komanda yoldaşı Yuki Tsunoda beşincidir.
15:23
Bakıda keçirilən "Formula 1" üzrə Azərbaycan Qran-prisində əsas yarış davam edir.
"Report"un məlumatına görə, 10 dövrədən sonra "Red Bull" pilotu Maks Ferstappen liderdir.
"Uilyams"dan Karlos Sayns ikinci, "Reysinq Bulls"dan Liam Louson üçüncü yerdədir.
Yarışın startında "Maklaren" pilotu Oskar Piastri qəza törədib.
15:00
Bakıda təşkil olunan "Formula 1" üzrə Azərbaycan Qran-prisində əsas yarış başlayıb.
"Report"un məlumatına görə, mübarizəyə saat 15:00-da start verilib.
Ötən gün sıralama turunda "Red Bull" pilotu Maks Ferstappen birinci olub. "Uilyams"dan Karlos Sayns ikinci, "Reysinq Bulls"dan Liam Louson üçüncü yeri tutub. "Mercedes"dən Andre Kimi Antonelli dördüncü, onun komanda yoldaşı Corc Rassell beşinci pillədə qərarlaşıb.
20 döngə, 51 dövrədən ibarət olan Bakı treki ümumilikdə 306,049 km məsafəni əhatə edir. Paytaxtdakı ilk yarış Avropa Qran-prisi kimi 2016-cı ildə baş tutub. Sonrakı səkkiz turnir Azərbaycan Qran-prisi adlanıb.
2016-cı ildə almaniyalı Niko Rosberq yarışı hamıdan tez tamamlayıb. Növbəti illərdə müvafiq olaraq Daniel Rikkardo (Avstraliya), Lyuis Hemilton (Böyük Britaniya), Valtteri Bottas (Finlandiya), Serxio Peres (Meksika) və Maks Ferstappen (Niderland) treki birinci pillədə başa vurublar. 2023-cü ildə isə Peres ikinci dəfə Bakıda qalib gəlib. 2024-cü ildə "Maklaren"dən Oskar Piastri bütün rəqiblərini qabaqlayıb. 2020-ci ildə koronavirus pandemiyası səbəbindən paytaxtımızda yarış təşkil olunmayıb.
Azərbaycan Qran-prisinədək "Maklaren" pilotu Oskar Piastri 324 xalla liderdir. Onun komanda yoldaşı Lando Norris (293 xal) ikinci, "Red Bull"dan Maks Ferstappen (230 xal) üçüncüdür.
Konstruktorlar Kubokunda isə "Maklaren" liderdir - 617 xal. "Ferrari" ikinci (280 xal), "Mersedes" (260 xal) üçüncü pillədə qərarlaşıb.
