Report.az
"Formula 1" üzrə Azərbaycan Qran-prisinin startından əvvəl Uniforma və Akkreditasiya Mərkəzi fəaliyyət göstərir.
"Report"un mulumatına görə, yarışa hazırlıqlar plana uyğun davam edir.
Azərbaycan Qran-prisinin təşkilinə cəlb olunacaq əməkdaşlar, könüllülər, marşallar, təhlükəsizlik əməkdaşları və podratçı şirkətlərin nümayəndələri bu mərkəzə gələrək, akkreditasiya kartları və uniformalarını Milli Gimnastika Arenasındakı Mərkəzdən əldə edə bilərlər.
Uniforma və Akkreditasiya Mərkəzinə 140-dan çox könüllü cəlb edilib. Mərkəz fəaliyyət göstərdiyi müddətdə onlar qeydiyyat, akkreditasiya kartlarının hazırlanması, uniformaların verilməsi və sair kimi rolları yerinə yetirəcəklər.
Qeyd edək ki, Azərbaycan Qran-prisi 19-21 sentyabr aralığında baş tutacaq.
