Report.az
Beynəlxalq Olimpiya Komitəsinin (BOK) yeni prezidenti Kirsti Koventri ilə Bakı səfəri və əməkdaşlıq imkanları müzakirə olunacaq.
"Report" xəbər verir ki, bunu "X Beynəlxalq Maliyyə və Bankçılıq Sammiti" çərçivəsində jurnalistlərə açıqlamasında Milli Olimpiya Komitəsinin (MOK) vitse-prezidenti Çingiz Hüseynzadə deyib.
Onun sözlərinə görə, Kirsti Koventri bu ay Bakıya gəlməli idi:
"Bildiyiniz kimi, "SportAccord" Azərbaycanda keçirilməli idi və həmin tədbirdə onun da iştirakı planlaşdırılırdı. Lakin Yaxın Şərqdə baş verən hadisələrlə əlaqədar tədbir gələn ilə təxirə salındı. Ona görə də Kirsti Koventri 2027-ci ildə il mütləq Bakıya gələcək və həmin tədbirlərdə iştirak edəcək. Bununla yanaşı, yaxın zamanda onunla görüşümüz də planlaşdırılır. İyunun 11-də Macarıstanın paytaxtı Budapeştdə Avropa Olimpiya Komitəsinin Baş Assambleyası keçiriləcək. Biz orada görüşərək bütün məsələləri müzakirə edəcəyik".
Qeyd edək ki, Kirsti Koventri 2025-ci il martın 20-də BOK-un prezidenti seçilib.
