Report.az
DÇ-2026-da çempion olan İspaniya millisinin futbolçuları qazandıqları mükafatın təxminən 30 faizini vergi kimi ödəyəcəklər.
"Report"xəbər verir ki, bu barədə "Fox News" telekanalı məlumat yayıb.
Bildirilib ki, adətən FIFA dünya çempionatına ev sahibliyi edən ölkələrlə milli federasiyaların mükafatlarının vergidən azad olunması barədə razılıq əldə edir.
Lakin bu dəfə ABŞ hakimiyyəti İspaniya millisinin üzvlərini vahid komanda deyil, ölkə ərazisində gəlir əldə etmiş ayrı-ayrı vergi ödəyiciləri kimi qiymətləndirib.
Nəticədə futbolçuların ödəyəcəyi verginin ümumi məbləğinin təxminən 15 milyon ABŞ dolları təşkil edəcəyi bildirilib.
Qeyd edək ki, 2026-cı il dünya çempionatının qalibi üçün FIFA tərəfindən nəzərdə tutulan mükafat 50 milyon ABŞ dolları olub.
2026-cı il dünya çempionatı iyunun 11-dən iyulun 19-dək ABŞ, Kanada və Meksikada keçirilib. İspaniya millisi finalda Argentinanı əlavə vaxtda 1:0 hesabı ilə məğlub edərək dünya çempionu olub.
