Report.az
İrlandiya yığmasının sabiq futbolçusu Demyen Daff İngiltərənin "Brentford" komandasının məşqçilər korpusunda yer alacaq.
"Report" klubun rəsmi saytına istinadən xəbər verir ki, sabiq yarımmüdafiəçi baş məşqçi Kit Endryusun köməkçisi təyin edilib.
Futbolçu kimi formasını geyindiyi "Çelsi"nin heyətində iki dəfə İngiltərə çempionu olan 47 yaşlı irlandiyalı mütəxəssis karyerasını 10 il əvvəl başa vurub.
Qeyd edək ki, D.Daff məşqçi kimi Şotlandiyanın "Seltik" klubunda və İrlandiya millisində də çalışıb. O, 2021-2025-ci illərdə İrlandiyanın "Şelburn" klubuna başçılıq edib və 2024-cü ildə bu komandaya çempionluq titulu qazandırıb.
