Report.az
Futbol üzrə dünya çempionatının kuboku Kanadanın Toronto şəhərinin meriyasının yerləşdiyi meydanda ictimaiyyətə təqdim edilib.
"Report" xəbər verir ki, bu barədə "Reuters" agentliyi məlumat yayıb.
Kuboku ictimaiyyətə 2006-cı il Dünya Kuboku çempionu və İtaliya milli komandasının keçmiş müdafiəçisi Alessandro Nesta təqdim edib.
Toronto meri Oliviya Çou bildirib ki, futbol insanları dil, mənşə və ya idman seçimindən asılı olmayaraq birləşdirir. O bildirib ki, bu, dünyanın ən çoxmədəniyyətli şəhərlərindən biri olan Torontonun xarakterini əks etdirir.
Qeyd olunur ki, Toronto 2026-cı il Dünya Kuboku zamanı altı oyuna ev sahibliyi edəcək. Şəhər həmçinin turnirin gənclərin futbola marağını artıracağına və idman infrastrukturunun inkişafına uzunmüddətli töhfə verəcəyinə ümid edir.
