Report.az
Futbol üzrə 2026-cı il dünya çempionatının açılış mərasimi keçirilir.
"Report" xəbər verir ki, tədnir Meksikanın paytaxtı Mexikodakı "Mexiko Siti Stadium"da təşkil olunur.
Rəngarəng şou proqramla yadda qalan mərasimdə məşhur musiqiçilər çıxış edirlər. İfaçılardan Şakira, Burna Boy, Cey Balvin, "Mana" qrupu, Tayla və Alexandro Fernandes açılış mərasiminə rəng qatırlar. Musiqili proqram tamaşaçılar tərəfindən böyük maraqla qarşılanır.
Açılış mərasimindən sonra dünya çempionatının ilk qarşılaşması keçiriləcək. Ev sahibi Meksika millisi Cənubi Afrika Respublikası yığması ilə üz-üzə gələcək.
Qeyd edək ki, 2026-cı il dünya çempionatı tarixdə ilk dəfə üç ölkənin – ABŞ, Meksika və Kanadanın birgə ev sahibliyi ilə təşkil olunur. Mundial çərçivəsində daha iki açılış mərasimi baş tutacaq. Tədbirlər iyunun 12-də Kanadanın Toronto şəhərindəki "Toronto Stadium"da, 13-də isə ABŞ-nin Los-Anceles şəhərindəki "Los Angeles Stadium"da keçiriləcək.
