Report.az
İngiltərənin "Fulhem" klubu İspaniya təmsilçisi "Real"ın hücumçusu Qonsalo Qarsiyanın transferini tamamlayıb.
"Report" xəbər verir ki, bu barədə insayder Fabritsio Romano məlumat yayıb.
London klubu 22 yaşlı ispaniyalı futbolçu üçün sabit məbləğ olaraq 40 milyon avro, həmçinin potensial bonuslar şəklində 2 milyon avro ödəyəcək. "Real" öz akademiyasının yetirməsinin gələcəkdə mümkün satışından 30 % əlavə gəlir də əldə edəcək.
Xatırladaq ki, Qonsalo Qarsiyanın "Real"la 2030-cu ilin iyununa qədər nəzərdə tutulan müqaviləsi qüvvədədir. O, 2025/2026 mövsümündə bütün turnirlərdə 39 matç keçirib, 8 qol vurub və 3 məhsuldar ötürmə edib.
