Report.az
"Mançester Yunayted"in portuqaliyalı yarımmüdafiəçisi Bruno Fernandes futbol üzrə İngiltərə çempionatının bir mövsümündə qol ötürmələrinin sayına görə rekord müəyyənləşdirib.
"Report" xəbər verir ki, bu, sonuncu turun "Brayton"a qarşı səfər matçının yekunlarına əsasən məlum olub.
Görüşdə Fernandes Patrik Dorquya məhsuldar ötürmə verib. Bu qol ötürməsi 31 yaşlı portuqaliyalı üçün mövsümdə 21-ci olub.
Əvvəlki rekord fransız hücumçu Tyeri Anriyə (2002/03 mövsümündə 20 ötürmə) və belçikalı yarımmüdafiəçi Kevin de Brüyneyə (2019/20 mövsümündə 20 ötürmə) məxsus idi.
Fernandes 2020-ci ildən "Mançester Yunayted"də çıxış edir. Klubun heyətində o, İngiltərə Kubokunun (2024) və İngiltərə Liqa Kubokunun (2023) qalibi olub.
