Report.az
"Kəpəz"in sabiq baş məşqçisi Azər Bağırov Gəncə klubunda işlədiyi dönəmdə heç bir təzyiqlə üzləşməyib və hər şey ürəyincə olub.
Mütəxəssis bunu "Report"a müsahibəsində deyib.
"Kəpəz"də çox rahat idim, təzyiq yox idi. Komandanı təhvil alanda 6 məğlubiyyətlə 12-ci pillədə qərarlaşmışdı. Gəlişimdən sonra müəyyən səbəblərdən bəzi oyunçular komandadan uzaqlaşdı. Buna baxmayaraq, qarşıya qoyulan məqsədə nail olduq və komandanı pley-off oyunları olmadan Premyer Liqada saxladıq. Gəncədə hər şey ürəyimcə idi. "Kəpəz" azarkeşlərinə və futbolsevərlərə uğurlar arzulayıram. İki il orada işlədim və heç bir çətinliyim olmadı. Orada çox dostlar qazandım. Bir çox insan tanıdım və sevdim. Ötənilki gedişimə bəzi xoşagəlməz hallar səbəb olsa da, bu dəfə klubdan xoş təəssüratlarla ayrıldım", - o bildirib.
Azər Bağırovun müsahibəsinin tam versiyasını buradan oxuya bilərsiniz.
