Report.az
Azərbaycan milliləri Özbəkistanın Səmərqənd şəhərində keçirilən 46-cı Ümumdünya Şahmat Olimpiadasına qələbə ilə start veriblər.
"Report"un məlumatına görə, kişilərdən ibarət komanda I turda Mərakeş seçməsinə qalib gəlib - 4:0.
Yığma üzvlərinin hamısı - Aydın Süleymanlı, Məhəmməd Muradlı, Eltac Səfərli və Rauf Məmmədov partiyalarını qələbə ilə başa vurublar.
Daha əvvəl qadınlardan ibarət kollektiv Qvatemaladan güclü olub.
Qeyd edək ki, Ümumdünya Şahmat Olimpiadası İsveçrə sistemi üzrə 11 turdan ibarətdir və sentyabrın 27-də başa çatacaq. Turnirdə 208 komandanın heyətində 1032 şahmatçı iştirak edir.
17:45
Qadınlardan ibarət Azərbaycan millisi Özbəkistanın Səmərqənd şəhərində keçirilən 46-cı Ümumdünya Şahmat Olimpiadasına qələbə ilə start verib.
"Report" xəbər verir ki, yığma ilk turda Qvatemaladan güclü olub.
Gövhər Beydullayeva, Xanım Balacayeva və Gülnar Məmmədova partiyalarını qələbə ilə başa vurublar. Günay Məmmədzadənin görüşü davam edir. Lakin bu, millinin nəticəsinə təsir etməyəcək.
Beləliklə, qadın şahmatçılardan ibarət milli I turda Qvatemalanı məğlub edib. Hazırda Mərakeşlə qarşılaşan kişilərdən ibarət yığma hesabda öndədir.
Qeyd edək ki, Ümumdünya Şahmat Olimpiadası İsveçrə sistemi üzrə 11 turdan ibarət olacaq və sentyabrın 27-də başa çatacaq. Turnirdə 208 komandanın heyətində 1032 şahmatçı iştirak edir.
