Idman.biz
Azərbaycanın Birinci vitse-prezidenti Mehriban Əliyeva sosial şəbəkə hesablarında Əməkdar artist Cabir İmanovun ölümü ilə bağlı paylaşım edib.
İdman.biz-in məlumatına görə, paylaşımda deyilir:
"Nurlu, səmimi və qeyri-adi istedada malik insan – Cabir İmanovun vəfatı xəbəri məni sarsıtdı. Bütün ailəmiz kədərlənir, onun yaxınlarına və doğmalarına başsağlığı veririk.
Allah rəhmət eləsin!".
19:23
Bu gün dünyasını dəyişmiş əməkdar artist Cabir İmanov paytaxtdakı "Qurd Qapısı" qəbiristanlığında torpağa tapşırılacaq.
İdman.biz bildirir ki, onunla vida mərasimi Cümə məscidində baş tutacaq.
19:13
Əməkdar artist Cabir İmanovun vəfat anının görüntüləri yayılıb.
İdman.biz bildirir ki, İmanov bu gün paytaxtın Səbail rayonu Üzeyir Hacıbəyli küçəsində yerləşən idman zallarından birində həyatını dəyişib.
18:58
Əməkdar artist Cabir İmanovun nəşi Əjdərbəy məscidindən evinə aparılıb.
İdman.biz xəbər verir ki, onunla vida mərasimi sabah keçiriləcək.
16:25
Cabir İmanov məşq prosesində vəfat etməyib.
İdman.biz xəbər verir ki, bu barədə jurnalist Elvin Elxan sosial şəbəkə hesabında paylaşım edib.
"Zala daxil oldu, bir neçə dəqiqə sonra oturdu və yıxıldı. Həyatımın ən böyük travmasını aldım. İlk dəfə birinin ölümünün şahidi oldum. O adam ki, ən gözəl məşq yoldaşı idi. Allah rəhmət eləsin!", - deyə E.Elxan yazıb.
Qeyd edək ki, C.İmanovun ürək fəaliyyətini bərpa etmək üçün ona elektroşok da tətbiq edilib. Lakin bu prosesin 20 dəqiqə davam etməsinə baxmayaraq, 49 yaşlı aktyorun həyatını xilas etmək mümkün olmayıb.
14:29
Əməkdar artist Cabir İmanov vəfat edib.
"Qafqazinfo"nun məlumatına görə, o bu gün paytaxtın Səbail rayonu Üzeyir Hacıbəyli küçəsində yerləşən idman zalında infarkt keçirib.
Hadisə yerinə təcili tibbi yardım briqadası çağırılsa da, 49 yaşlı aktyorun həyatını xilas etmək mümkün olmayıb.
Allah rəhmət eləsin!
