Idman.biz
Azərbaycanın ilk dəfə ev sahibliyi etdiyi III MDB Oyunlarında çövkən üzrə daha bir oyun keçirilib.
İdman.biz xəbər verir ki, B qrupunda Türkiyə yığması Qazaxıstanla qarşılaşıb.
Üç cavabsız qolla qalib gələn Qazaxıstan millisi yarımfinala yüksəlib.
Günün ilk matçında Küveyti 2:0 hesabı ilə üstələyən Qırğızıstan yığması da növbəti mərhələyə adlayıb.
Bununla da çövkən yarışlarında bütün yarımfinalçılar bəlli olub. Daha əvvəl Azərbaycan və Özbəkistan yığmaları bu mərhələyə vəsiqə qazanıb.
Qeyd edək ki, çövkən yarışına oktyabrın 7-də yekun vurulacaq.
