Report.az
Əvvəldən bu çempionatın favoriti Azərbaycan yığması hesab olunurdu.
"Report"un Şimal-qərb bürosu xəbər verir ki, bunu Beynəlxalq Çövkən Federasiyasının prezidenti Bəhruz Nəbiyev Azərbaycan – Qazaxıstan oyunundan sonra jurnalistlərə açıqlamasında deyib.
O, ilk öncə Azərbaycan milli yığmasını finala yüksəlməsi qələbə münasibəti ilə təbrik edib.
"Mən Azərbaycan milli yığımasını təbrik edirəm. Çünki, yığmamız keçən il dünya çempioniu olub, bu il də avropa çempionu oldu. Çökən oyununun dünyaya yayılması, tanıdılması və inkişafı üçün bu cür turnirlərin keçirilməsi çox xeyirli olur. 2024-ci ildə Azərbaycanda beynəlxalq çövkən federasiyası yarandı. Bu Azərbaycan idman tarixi üçün qızıl hərflərlə yazılası məsələ idi. Bu Azərbaycanda yaradılmış ilk beynəlxalq idman təşkilatı kimi tarixə düşdü. Bilirsiniz ki, ötən il Azərbaycanda 10 ölkənin iştirakı ilə dünya çempionatı keçirilmişdi. Bu il isə artıq iki qitə çempionatı geridə qoyulub. Əvvəldən bu çempionatın favoriti Azərbaycan yığması hesab olunurdu. Nəticələr də onu göstərdi ki, bu fikri bildirənlər yanılmırdılar. Mən hər iki komandaya uğurlar arzulayıram. Ümid edirəm ki, biz bu gün Özbəkistan – Qırğızıstan oyununda gözəl oyun görəcəyik, eyni zamanda mən düşünürəm ki, bu görüşün favoriti Özbəkistan komandasıdır və finalda çox güman ki, Azərbaycan – Özbəkistan oyununu izləyəcəyik. Hər iki komandaya bol uğurlar arzulayıram".
Qeyd edək ki, Azərbaycanın çövkən yığması III MDB Oyunlarında Qazaxıstan üzrəində 5:1 hesabı ilə qalib gələrək finala yüksəlib
Azərbaycan Futbol III MDB Oyunları
