Idman.biz
Azərbaycan Həndbol Federasiyasında (AHF) XXXI ölkə kubokunun püşkatma mərasimi keçirilib.
İdman.biz xəbər verir ki, bunu AHF-nin mətbuat xidməti açıqlayıb.
Tədbirdə hakimlər kollegiyasının üzvləri, idman şöbəsinin əməkdaşları və komandaların baş məşqçiləri iştirak ediblər. Federasiyanın idman şöbəsinin rəhbəri, Avropa Həndbol Federasiyasının nümayəndəsi İsgəndər Əsgərov 2024/25 mövsümündə ölkə kubokunun aprelin 26-da "AHF Arena"da start götürəcəyini bildirib.
Olimpiya sistemi ilə təşkil olunacaq yarış 1/4 final mərhələsindən başlayacaq. 2023/24 mövsümündə kubokunun finalçıları olan kişilərdən ibarət "Azəryol" və "Bakı", qadınlardan ibarət "Azəryol" və "Kür" komandalarının yarımfinal mərhələsindən mübarizəyə qoşulacaq. Bu mərhələyə mayın üçüncü ongünlüyündə start veriləcək.
Tədbirdə turnirin reqlamenti, qaydaları və yarış təqvimi haqqında məlumat verilib.
Ümumilikdə 9 kişi ("Azəryol", "Bakı", "Dinamo", "Gənclər Birliyi", "İdman Akademiyası", "Kür", "Qarabağ", "Təhsil", U-17) və 7 qadın ("Azəryol", "Qarabağ", "İdman Akademiyası", "Azərsu", U-16) komandası kubok uğrunda mübarizə aparacaq.
Azərbaycan kuboku
Qadınlar
1/4 final
26 aprel
"Bakı" – "İdman Akademiyası"
27 aprel
"Təhsil" – "Qarabağ"
Kişilər
1/4 final
26 aprel
"Gənclər Birliyi" – "Dinamo"
"İdman Akademiyası" – "Təhsil"
U-17 – "Kür"
İdman.biz
