Idman.biz
UFC-nin hazırkı çempionu, gürcü əsilli döyüşçü İliya Topuriya "Barselona"nın sabiq müdafiəçisi Jerar Pike ilə "EA Sports FC" oyununda qarşılaşıb.
İdman.Biz xəbər verir ki, virtual görüş Topuriyanın 7:4 hesablı qələbəsi ilə başa çatıb.
"Jerar Pike evimə gəldi ki, "El Klassiko"dakı köhnə travmalarını bir daha yaşasın", - deyə Topuriya sosial şəbəkə hesabındakı paylaşımında qeyd edib.
İliya Madrid "Real"ını, Pike isə futbolçu karyerası boyunca çıxış etdiyi "Barselona"nı seçib.
Qeyd edək ki, Topuriyanın oktakonda son real döyüşü iyun ayında baş tutub. O, Çarlz Oliveyranı ilk raundda nokautla məğlub edərək UFC çempionu titulunu qazanıb.
