Sport24.az
İtaliya Basketbol Federasiyasının prezidenti Canni Petruççi NBA-nın himayəsi altında Avropa Basketbol Liqasının yaradılmasına heyranlığını ifadə edib. O, həmçinin "Mançester Yunayted" rəhbərliyinin layihədə iştirak edəcəyini və basketbol komandasını yaradacağını açıqlayıb. Sport24.az xəbər verir ki, italiyalı funksioner bununla bağlı "Corriere dello Sport"a danışıb:
"Bu, sistemə fayda verəcək və hamının maraqla qarşılayacağı yeni bir liqa olacaq. Müqavilədə həmçinin qeydiyyatdan keçmiş klubların milli liqalarında iştirak etmələri də nəzərdə tutulur.
NBA Liqası rəqabət qabiliyyətini artırmaq və istedadların üzə çıxması yönündə geniş bir fürsət yaradacaq. Dünyanın ən populyar futbol komandası olan "Mançester Yunayted" artıq NBA Liqasında iştirak etməyə razılıq veribsə, bunun bir səbəbi olmalıdır".
