Report.az
Azərbaycanın basketbol üzrə qızlardan ibarət U-18 millisi ilk dəfə iştirak etdiyi Avropa çempionatının B divizionunda ikinci oyununu keçirib.
"Report" xəbər verir ki, millimiz bu dəfə Ukrayna ilə qarşılaşıb.
Görüş rəqibin qələbəsi ilə yekunlaşıb - 78:65.
Təmsilçimiz qrupda növbəti matçını sabah Litva yığmasına qarşı keçirəcək.
Qeyd edək ki, Azərbaycan millisi qrupdakı ilk oyununda Bosniya və Herseqovina yığması üzərində 83:81 hesablı qələbə qazanıb.
