Çimərlik voleybolu üzrə klublararası ölkə çempionatı başa çatıb

Azərbaycanda çimərlik voleybolu üzrə klublararası ölkə çempionatı başa çatıb.

İdman.Biz xəbər verir ki, Azərbaycan Voleybol Federasiyası və Azərbaycan Respublikasının Gənclər və İdman Nazirliyinin birgə təşkilatçılığı ilə keçirilən yarışın son günündə final qarşılaşmaları baş tutub.

Avqustun 4-də start götürən çempionatda qadınların finalında "AZERRAIL Salam" və "AZERRAIL Salam Sharing", kişilərin yarışında isə FHN-2 və "Djevo" komandaları qızıl medal uğrunda mübarizə aparıblar.

"AZERRAIL Salam" rəqibini 2:0 hesabı ilə məğlub edərək çempion olub. Kişilərin finalında isə FHN-2 "Djevo" üzərində 2:1 hesablı qələbə qazanaraq qızıl medala sahib çıxıb.

Bakı Su İdmanı Sarayında təşkil olunan final qarşılaşmalarından sonra mükafatlandırma və yarışın bağlanış mərasimi keçirilib.

Çempion olan komandalar bu il keçiriləcək klublararası Avropa çempionatında Azərbaycanı təmsil edəcəklər.

Final (qadınlar)

"AZERRAIL Salam" - "AZERRAIL Salam Sharing" 2:0 (21:15, 21:17)

Final (kişilər)

FHN-2 - "Djevo" 2:1 (26:24, 17:21, 15:11)

Qadınların yarışında mükafatçılar:

Qızıl medal - "AZERRAIL Salam" (Kseniya Dabija, Leyla Əliyeva)

Gümüş medal - "AZERRAIL Salam Sharing" (Səbinə Əlizadə, Alyona Osipova)

Bürünc medal - "Milli Aviasiya Akademiyası-1" (Nəzrin Kərimli, Çinarə Quliyeva, Albina Dəmirova)

Kişilərin yarışında mükafatçılar:

Qızıl medal - FHN-2 (Almaro Nunez Gustavo, Asif Əliyev, Elmin Alişanov)
Gümüş medal - "Djevo" (İbrahim Məmmədov, Muhəmməd Aslanlı)
Bürünc medal - FHN-1 (Vadim Kutukov, Reyes Rodrigez, Ülvi Rəcəbli)