Idman.biz
Bu gün qadın voleybolçular arasında Yüksək Liqada 2024/25 mövsümünə yekun vurulacaq.
İdman.biz xəbər verir ki, ölkə çempionun adına finalın ikinci oyununda aydınlıq gələcək.
Titulunu qorumaq üçün meydana çıxacaq "Azərreyl" "Abşeron"la qarşılaşacaq. İlk oyunda quru hesabla qalib gələn sonunculara qızıl medala sahib çıxmaq üçün 2 set kifayət edəcək. "Azərreyl" isə görüşü "Qızıl set"ə daşımaq üçün matçda tay-breksiz qalib gəlməlidir.
Yüksək Liqa (qadınlar)
Final, ikinci oyun
24 aprel
15:00. "Azərreyl" - "Abşeron"
Milli Gimnastika Arenası
İlk oyun – 0:3
Qeyd edək ki, finaldan sonra mükafatlandırma mərasimi baş tutacaq. Çempion və gümüş mükafatçı ilə yanaşı bürünc qazanan "Milli Aviasiya Akademiyası" da mükafatlarını alacaq.
İdman.biz
