İdman.biz
Vranyaçka-Banda (Serbiya) şahmat üzrə Avropa Klublar kuboku davam edir.
İdman.biz xəbər verir ki, yarışda Azərbaycanın "Vüqar Həşimov" klubu da iştirak edir.
Heyətə Rauf Məmmədov, Aydın Süleymanlı, Vüqar Əsədli, Əhməd Əhmədzadə, Vüqar Manafov, Ülvi Sadıqov və Riad Səmədov daxildir. Kapitan Sərxan Həşimovdur.
6-cı turda hesabında dörd qələbə qazanan və bir məğlubiyyət olan klubumuz "Baeqan Pendik Sport"la qarşılaşıb. Türkiyə klubunun heyətində Şəhriyar Məmmədyarov, Teymur Rəcəbov və Nicat Abasov da çıxış edir. "Vüqar Həşimov" 1,5:4,5 hesabı ilə məğlub olub.
Altı turdan sonra komandamız 8 xal toplayıb və 17-ci yerdədir.
"Baeqan Pendik Sport" - "Vüqar Həşimov" 4,5:1,5
Bu Syanci - Rauf Məmmədov 0,5:0,5
Teymur Rəcəbov - Aydın Süleymanlı 0,5:0,5
Şəhriyar Məmmədyarov - Vüqar Əsədli 1:0
Anton Korobov - Əhməd Əhmədzadə 0,5:0,5
Nicat Abasov - Riad Səmədov 1:0
İşık Can - Ülvi Sadıqov 1:0
İdman.biz
