Sport24.az
Şahmat üzrə Azərbaycanın kişi və qadın milli komandaları Batumidə (Gürcüstan) keçirilən Avropa çempionatında uğurlu başlanğıc edib. Sport24.az xəbər verir ki, kişi komandamız ilk turda Slovakiya üzərində 3:1 hesabı ilə qələbə qazanıb. Şəhriyar Məmmədyarov və Aydın Süleymanlı qələbə qazanıbsa, Rauf Məmmədov və Eltaç Səfərlı isə heç-heçəyə imza atıb.
İkinci turda Azərbaycan komandası Çexiya ilə üz-üzə gələcək. Bu görüşdə Azərbaycan millisinin heyətində dəyişiklik olacaq. Eltac Səfərlini Məhəmməd Muradlı əvəzləyəcək.
Qadın komandası ilk turda Sloveniyanı 4:0 hesabı ilə məğlub edib. Qələbəni Ülyviyyə Fətəliyeva, Gövhər Bəydullayeva, Gülnar Məmmədova və Ayan Allahverdiyeva təmin ediblər.
İkinci turda qadın komandamız Macarıstanla mübarizə aparacaq. Bu görüşdə də heyətdə dəyişiklik olacaq. Gülnar Məmmədovanı Xanım Balacayeva əvəz edəcək.
