Idman.biz
Gürcüstanın Batumi şəhərində şahmat üzrə komandalararası Avropa çempionatı davam edir.
İdman.biz-in məlumatına görə, Şəhriyar Məmmədyarov, Rauf Məmmədov, Aydın Süleymanlı və Məhəmməd Muradlıdan ibarət Azərbaycan kişilərdən ibarət yığma komandası ikinci turda Çexiya ilə heç-heçə edib - 2:2.
Məmmədyarov qalib gəlib, Məmmədov uduzub, Süleymanlı ilə Muradlı isə heç-heçə ediblər.
Bundan əvvəl Azərbaycan şahmatçıları Slovakiya yığmasını 3:1 hesabı ilə məğlub etmişdilər. Komandamız iki turdan sonra üç xalla səkkizinci yerdədir.
Qadınlardan ibarət Azərbaycan yığması (Ülviyyə Fətəliyeva, Gövhər Beydullayeva, Xanım Balacayeva və Ayan Allahverdiyeva) ikinci turda Macarıstanı 2,5:1,5 hesabı ilə məğlub edib. Fətəliyeva və Allahverdiyeva qalib gəliblər, Beydullayeva heç-heçə edib, Balacayeva isə məğlub olub.
Qeyd edək ki, ilk turda Azərbaycan şahmatçıları Sloveniyanı 4:0 hesabı ilə darmadağın edib. İki turdan sonra qadınlardan ibarət yığma dörd xalla turnirin liderləri sırasındadır.
