Idman.biz
Bu gün III MDB Oyunları çərçivəsində bədii gimnastika yarışlarının ilk günü başa çatıb.
İdman.biz bildirir ki, yarışın ilk günündə fərdi gimnastlar halqa və top alətləri ilə, qrup hərəkətləri komandaları isə 5 halqa ilə təsnifat mərhələsində çıxış ediblər.
Fərdi proqramda çıxış edən gimnastlarımızdan Şəms Ağahüseynova top aləti ilə, Azadə Atakişiyeva həm top həm də halqa aləti ilə, Nur Sadıqova isə halqa aləti ilə finala vəsiqə qazanıb. Gənclərdən ibarət qrup hərəkətləri komandamız isə 5 halqa ilə təsnifat mərhələsini uğurla başa vuraraq finala yüksəlib.
