Idman.biz
Minifutbol üzrə Azərbaycan milli komandası Slovakiyanın paytaxtı Bratislavada keçirilən Avropa çempionatında birinci oyununa çıxıb.
İdman.Biz xəbər verir ki, F qrupunda yer alan yığmamız Avstriya seçməsi ilə qarşılaşıb. "Tipos Arena"da keçirilən görüş Azərbaycan millisinin 1:0 hesablı qələbəsi ilə başa çatıb.
Qarşılaşmada yeganə qol ikinci hissədə vurulub. Millimizin heyətində İsa Atayev fərqlənərək komandaya turnirdə birinci qələbəni qazandırıb.
Bu nəticədən sonra Azərbaycan millisi Avropa çempionatına uğurlu start verib.
Qeyd edək ki, yığmamız qrup mərhələsində növbəti oyunlarını 29 mayda İtaliyaya, 30 mayda isə Fransaya qarşı keçirəcək.
09:14
Minifutbol üzrə Azərbaycan millisi bu gün Slovakiyanın paytaxtı Bratislavada start götürən Avropa çempionatında ilk oyununa çıxacaq.
İdman.Biz xəbər verir ki, Elşad Quliyevin rəhbərlik etdiyi komanda F qrupundakı ilk sınağında Avstriya yığması ilə qarşılaşacaq.
"Tipos Arena"da keçiriləcək görüş Bakı vaxtı ilə saat 15:30-da başlayacaq.
Qeyd edək ki, millimiz qrup mərhələsində növbəti matçlarını mayın 29-da İtaliyaya, mayın 30-da isə Fransaya qarşı keçirəcək.
