Sport24.az
"Hər şey proqram üzrə gedir. Legioner oyunçularımız da düşərgədədir. Mövsümün qalan hissəsinə tam heyətlə hazırlaşırıq". Bu sözləri Sport24.az-a açıqlamasında "Araz-Naxçıvan"ın qapıçısı Tərlan Əhmədli deyib.
Qolkiper çıxış etdiyi komandanın qış təlim-məşq toplanışı barədə danışıb: "Komandada hər şey qaydasındadır. Məşqçilərin verdiyi tapşırıqları tam şəkildə yerinə yetirməyə çalışırıq".
31 yaşlı əlcək sahibi toplanış çərçivəsində "Sumqayıt"la (2:2) keçirilən yoxlama görüşü ilə bağlı da fikirlərini bildirib: "Sumqayıt"la oyun bizim üçün faydalı oldu. Fiziki durumumuzu daha da yaxşılaşdırmaq üçün çox hərəkət etməyə çalışırdıq. Fikrimcə, pis alınmadı".
Qeyd edək ki, "Araz-Naxçıvan" qış fasiləsində ilk yoxlama görüşündə "Sumqayıt"la heç-heçə edib - 2:2
