top
“Şamaxı” və Premyer Liqaya dərhal dönənlər - TƏHLİL İdman.biz
23 may 2024, 10:46
- +

“Şamaxı” və Premyer Liqaya dərhal dönənlər - TƏHLİL

Azərbaycan çempionatının daha bir liqasında mübarizəyə yekun vurulub.

İdman.biz xəbər verir ki, "Şamaxı" I Liqada qızıl medalları qazanmaqla bir ildən sonra Premyer Liqada oynamaq hüququ qazanıb.

Bölgə təmsilçisi aşağı dəstədə keçirdiyi ilk mövsümdə uğura imza atmaqla dərhal uzun illər çıxış etdiyi elitaya qayıdıb. Bu dönüşün rəsmiləşməsi isə mayın 27-də Lisenziya Komissiyasının iclasında rəsmiləşəcək.

Şamaxının eyniadlı klubu aşağı dəstəyə düşən kimi yerini qaytaran ilk komanda deyil. 1992-ci ildən keçirilən Azərbaycan çempionatına buna nail olan kifayət qədər komanda olub.

"Avtomobilçi"də avtomobil sürətli
İlk Azərbaycan çempionatı 1992-ci ildə keçirilib. Kütləviliyi və daha böyük miqyası əhatə edən yarışa qatılan 26 komandadan 8-i elitanı tərk edib. Onlardan ikisi – Nəvahinin "Gənclik" və Kürdəmirin "Şirvan" klubları mövsüm bitməmiş mübarizəni dayandırıb. 6 komanda isə I dəstəyə yuvarlanıb.
Geri dönmək üçün ilk mübarizə aparanlar da məhz həmin klublar olub. 1993-cü ildə I dəstədə iki qrupda mübarizə gedib. Öz qrupunda 1-ci yeri tutanlar güclülər dəstəsinə vəsiqə qazanıb. Bu xoşbəxtlərdən biri "Avtomobilçi" olub. Yevlax təmsilçisi avtomobil sürəti ilə güclülər dəstəsinə qayıdıb. Onlar formal finalda "Xəzri"yə uduzsa da, ikinci yerin sahibi kimi bu hüququ qazanıb. Azərbaycan futbolu tarixinə dərhal geri dönən ilk klub kimi düşən "Avtomobilçi" 1992-ci ildə olduğu kimi 1993/94 mövsümündə də elitanı tərk edib. Amma bu dəfə geridönüş olmayıb.

Neftin içində üzdülər, yağda boğuldular
"Avtomobilçi"nin 1-ci liqada zəfər çaldığı 1993-cü ildə güclülər dəstəsində 20 komanda çıxış edib. Onlardan da 6-sı aşağı dəstəyə düşüb. İlk iki mövsümü elitada keçirən "Azneftyağ" 1993/94 mövsümündə 1-ci dəstədə oynamalı olub. Burada həm qrup mərhələsində, həm də final mərhələsinin öz "üçlüy"ündə uğura imza atan "neftçilər" dərhal güclülər sırasına qayıdıb. Həmin vaxt final mərhələsinin iki qrupunun qalibi yuxarı dəstəyə vəsiqə qazandıqdan sonra onlar arasında formal çempionluq matçı baş tutmayıb. "Azneftyağ" aşağı yuvarlandıqdan sonra ilk mövsümdə elitaya dönən ikinci komanda kimi tarixə düşüb. Amma güclülər dəstəsində 5 turdan sonra fəaliyyətini dayandırıb.

"Xəzər" coşanda
Ötən əsrin 90-cı illərinin əvvəlləri daha bir komandanın güclülər dəstəsini tərk etdikdən sonra dərhal geri dönməsi ilə əlamətdar olub. Sumqayıt "Xəzər"i 1994/95 mövsümündə elitaya vida edib. Amma "Gənclik şəhəri" təmsilçisi növbəti mövsümdə coşub. Dəfələrlə adını dəyişən klub həmin vaxt "Sumqayıt"a çevrilərək 1-ci dəstədə çempion olub. Özü də "Xəzər" "Çinar Polis Akademiyası" və "Fərid"lə gərgin mübarizədə qızıl medallara və geridönüşə imza atıb.

Ötən əsr getdi, bizim əsrdə qayıtdı
Əgər "Avtomobilçi", "Azneftyağ" və "Xəzər"in uğurları ötən əsrə, 90-cı illərin ilk yarısına təsadüf edibsə, MOİK-in möhtəşəm geridönüşləri sanki dünən olub. Ordu klubu XXI əsrdə aşağı dəstəyə düşən kimi geri qayıdan ilk və uzun müddət yeganə komanda olub. Onlardan sonra bunu "Şamaxı" bacarıb. "Hərbçilər"in daha bir nailiyyəti bu geridönüşə iki dəfə imza atmasıdır.
Həmin vaxt OİK adlanan Bakı klubu ötən əsrdə - 1999/2000 mövsümündə aşağı dəstəyə yuvarlanıb. "Hərbçilər" XXI əsrdə bitən ilk çempionatda - 2000/01 mövsümündə Bakı "Ümid"i və Qusar "Şahdağ"ı ilə gərgin mübarizədə çətinliklə, əlavə göstəricilərə görə çempion adını qazanıb. OİK həmin vaxt ilk dəfə dərhal elitaya dönüb.

Tarix təkrarlanır
"Tarix təkrarlanır" ifadəsi özünü çox gözlətməyib. 8 ildən sonra hadisələr eyni məcrada keçib. 2008/09 mövsümündə Premyer Liqada sonuncu olan MOİK I diviziona yuvarlanıb. Amma yenə həsrət cəmi bir il sürüb. 2009/10 mövsümündə eyni xal toplayan həmin vaxt "Gəncə" adlanan "Kəpəz"lə MOİK Premyer Liqaya iki vəsiqəni ələ keçiriblər. Bununla da MOİK ardıcıl iki dəfə sürətli geridönüş edən ilk və hələlik yeganə komanda kimi tarixə düşüb.

6-cı hadisə, 5-ci klub
Göründüyü kimi "Şamaxı" Premyer Liqa tarixinə aşağı dəstədəki ilk ilində geri dönən 5-ci klubdur. MOİK-in buna iki dəfə imza atdığını nəzərə alsaq, 6-cı belə hadisəyə şahid olduq. 7-ci isə növbəti artıq növbəti mövsümdə gerçəkləşə bilər. Premyer Liqanı tərk edən "Qəbələ"nin potensialı və iddialı baş məşqçisi Kaxaber Tsxadadzenin bunu bacarması real görünür.

Vüqar Xeyrullayev
İdman.biz

Rəylər (0)

Son xəbərlər

Digər
Bu gün, 01:47

AVRO-2024: 12 günün NƏTİCƏLƏRİ və günün OYUNLARI

Digər
Bu gün, 01:19

Heç-heçələr antirekordu – C qrupunda

Digər
Bu gün, 00:51

Qolsuz bitən son tur - VİDEO

Digər
Bu gün, 00:10

İngiltərə Sloveniyaya, Danimarka Serbiyaya qarşı - CANLI

Futbol
Bu gün, 00:06

"Sumqayıt" Konfrans Liqasına Türkiyədə hazırlaşacaq

Digər
Dünən, 23:47

30 il gözlənilən qələbə

Digər
Dünən, 22:41

Levandovski 4 çempionatda qol vurub, Polşa qələbə qazanmayıb

Basketbol
Dünən, 22:39

“Sabah” Çempionlar Liqasına onlarla gedəcək - FOTO

Digər
Dünən, 22:33

Olimpiyaçımız Paris-2024-ə hazırlığın son mərhələsi üçün İzmirdə

Güləş
Dünən, 22:30

İdmançılarımızdan dünya çempionatında 8 medal - FOTO

Futbol
Dünən, 22:20

İsveçrə yığması soyğuna məruz qalıb

Digər
Dünən, 22:18

Avstriya və Fransa pley-offda

Digər
Dünən, 22:17

Qrizmann Fransa yığmasında rekordçu olub

Futbol
Dünən, 21:57

Fransa - Polşa oyununda qalib müəyyənləşmədi

Futbol
Dünən, 21:56

Avstriya qrupu lider kimi başa vurdu

Digər
Dünən, 21:56

Avstriya lider olub, Fransa 2-ci, Niderland 3-ci yeri tutub - VİDEO

Futbol
Dünən, 21:50

Neymar birgə oynadığı ən çirkin futbolçunun adını çəkdi

Futbol
Dünən, 21:43

Dortmundda hesab bərabərləşir

Digər
Dünən, 21:37

Niderland hesabı bərabərləşdirib, Fransa hesabı açıb - CANLI

Futbol
Dünən, 21:25

"Şamaxı" portuqaliyalı qapıçı ilə münasibəti rəsmiləşdirdi

Güləş
Dünən, 21:24

Avropa çempionatı: 1 gümüş, 3 bürünc

Futbol
Dünən, 21:22

Fransa hesabı açıb

Digər
Dünən, 21:19

Niderland uduzur, Fransa hesabı açıb - CANLI

Futbol
Dünən, 21:17

Berlində 3-cü qol

Oxşar xəbərlər