Sport24.az
"Pley-off oyunları ikili qarşılaşma olduğu üçün gərgin keçir". Bu sözləri Sport24.az-a Azərbaycan millisinin sabiq baş məşqçisi Şahin Diniyev deyib.
Mütəxəssis bu gün UEFA Çempionlar Liqasında baş tutacaq "Qarabağ" - "Nyukasl" oyunu haqqında danışıb:
"Qarabağ" və "Nyukasl" pik formasında deyil. Rəqibdə zədəlilərin sayı çoxdur. Həm İngiltərə Premyer Liqasında, həm də Çempionlar Liqasının son matçlarında uğursuzluq yaşayırlar. Kubok oyununda qələbə qazansalar da, klubun rəhbərliyi və baş məşqçisi böyük təzyiq altındadır. Əvvəlki oyunlarını sərgiləyə bilmirlər. Yəqin ki, bu heyətdə çox sayda zədəli futbolçuların olması ilə bağlıdır. Bu hallar böyük klubların hər birində olur".
Diniyev Azərbaycan təmsilçisinin vəziyyəti haqqında da danışıb:
"Qarabağ"da da durum əvvəlki kimi deyil. Komanda optimal formasından az da olsa, uzaqdır. Premyer Liqanın son iki turunda "Şamaxı" və "İmişli" ilə oyunda son dəqiqələrdə qol vurub qələbə qazandılar. Bunun səbəbi eyni heyətlə 3 cəbhədə mübarizə aparmağın futbolçularda zehni yorğunluğun yaranmasıdır. Şanslar bərabərdir. Hər iki komanda toparlanıb, uğurlu çıxış edə bilər. Hansı komanda qalib gəlsə, təəccüblənməyə dəyməz. Cütün taleyi İngiltərədəki matçda həll olunacaq".
Qeyd edək ki, "Qarabağ" - "Nyukasl" oyunu saat 21:45-də başlayacaq.
