Sport24.az
"Qarabağ"ın futbolçusu Julio Romao Braziliya mətbuatına açıqlama verib. Sport24.az xəbər verir ki, yarımmüdafiəçi komanda yoldaşı Juninyonun "Flamenqo"ya mümkün keçidini şərh edib:
"Juninyo Braziliya futbolunda bir çox hücumçudan fərqlidir. Çünki biri qol vuran olur, digəri isə daim hərəkətdə və sürətli olandır. Juninyo belə hücumçulardandır. Onun bizimlə çox qol vurmasının səbəbi də sürətidir.
"Flamenqo" və "Sevilya" ona böyük maraq göstərdi. Əminəm ki, o, niyə arxasıyca gəldiklərini göstərəcək. Əla oyunçudur və hər çempionatda oynaya bilər. Braziliyada onun kimi oyunçular çatışmır".
Romao Azərbaycan çempionatından da söz açıb:
"Qarabağ" uzun illər çempion olur. Klub öz fəlsəfini saxlayır, transfer dönəmlərində az oyunçu gedir və komanda performasını qoruyur. Ancaq liqa çətindir, rəqiblər bizə başqa cür yanaşırlar. Avropa Liqasında isə komandalar eyni səviyyədədir. Orda oynamaq ağır olur".
