Sport24.az
"Sabah" heyətini yeni futbolçu ilə gücləndirib. Sport24.az xəbər verir ki, braziliyalı müdafiəçi İqor Noqeyra ilə 2 illik müqavilə bağlanıb. Bu barədə klubun mətbuat xidməti məlumat yayıb.
Mərkəz müdafiəçisi Portuqaliyanın "Şaveş" klubundan transfer edilib.
Braziliyanın "Fluminense" klubunun yetirməsi olan 29 yaşlı futbolçu karyerası ərzində bu klubla yanaşı, Belçikanın "Gent" (2014-2015), Braziliyanın "Fiqeyrense" (2018), CRB (2019), "Yuventude" (2022), Portuqaliyanın "Jil Visente" (2019-2021), "Santa Klara" (2023), "Şaveş" (2023/2024) və Meksikanın "Mazatlan" (2021-2022) klublarında çıxış edib.
Noqeyra "Sabah"da 14 nömrəli formanı geyinəcək.
