Premyer Liqanın XXXIV turunun ikinci oyun gününə Zirədə yekun vurulacaq. Sport24.az xəbər verir ki, qəsəbənin eyniadlı təmsilçisi "Qarabağ"ı qəbul edəcək.
Ağdam təmsilçisi çempionatın sonuna 8 tur qalmış çempionluğu rəsmiləşdirdiyindən Zirədəki matç Qurban Qurbanovun komandası üçün formal xarakter daşıyır. "Zirə" üçün isə əksinə, bu matçın böyük önəmi var. Avrokuboklara yollanmaq üçün mübarizə aparan "qartallar" xal itirməmək məcburiyyətindədi.
Qeyd edək ki, turun digər 2 qarşılaşması - "Sumqayıt" - "Səbail" və "Qəbələ" - "Sabah" oyunu sabah keçiriləcək.
19:30. "Zirə" - "Qarabağ"
Hakimlər: Əliyar Ağayev, Zeynal Zeynalov, Akif Əmirəli, Tural Qurbanov
Hakim-inspektor: Ramil Diniyev
AFFA nümayəndəsi: Eldəniz Musayev
Zirə. İdman Kompleksinin stadionu