Sport24.az
Türkiyə millisinin və "Real"ın futbolçusu Arda Güler lüks saatı ilə diqqət çəkib. Sport24.az xəbər verir ki, o, Türkiyə millisinin düşərgəsində olarkən "Fənərbaxça"dakı keçmiş komanda yoldaşı Ferdi Kadıoğlu ilə fotosunu paylaşıb.
Fotoda 19 yaşlı yarımmüdafiəçinin qolundakı lüks saat diqqəti cəlb edib. Türkiyə mətbuatındakı xəbərlərə görə, saat 14 min avro (520 min türk lirəsi) dəyərindədir.
Bir neçə həftə əvvəl isə "Real"ın sponsorlarından biri olan BMW markası lüks avtomobillərindən birini Ardaya hədiyyə etmişdi.
Qeyd edək ki, A.Güler ötən ilin yayında "Fənərbaxça"dan "Real"a keçib.
